Mamit Bawrhsap Office hnuaia Election Branch-a thawk mi 4 Tripura Bru Camp-a inthlanna kaihhnawih thil tih tum nia hriat-te chu nimin chawhnu khan Zawlnuamah dan an ni.

0
351
views

Hemi chungchanga Zonet zawhna chhangin Langkaih Group YMA President, Pu J. Malsawma chuan heng mite hian Motor 2 hmangin Tripura Bru Camp lam an pan a, Zawlnuam an thlenin Langkaih Group YMA, Taitesena Group YMA leh Zawlnuama MZP hruaituten lo tidingin inthlan kaihhnawih thil reng reng Tripura Bru Camp-ah tih chu NGO Coordination Committee leh Political Party hrang hrang duh dan leh thutlukna siam a ni tih an hrilh a, an tum lam pana kal zel tawh lo turin an hrilh hnuah heng mi 4-te hi Mamit lam panin an let leh ta a ni. Heng mite an lo danna hmun hi Central YMA President, Pu Vanlalruata Damcherra kal haw lamin nimin tlai khan a tlawh a, YMA leh tlawmngai pawl dangte chu NGO Coordination Committee thutlukna lo siam tawh kenkawh zui zel a \ul thu a hrilh a ni. Hemi chungchanga ZONET zawhna chhangin Central YMA President chuan Election Commission of India-in Tripura Bru Camp-a Electoral Roll ennawnna nei leh tura Mizoram sorkar hriattirna tun thla ni 1-a a chhuah chungchangah Home Minister, Pu R. Lalzirliana kaihhruaiin tun thla ni 8, Nilaini khan Political party hrang hrang leh tlawmngai pawlte biakrawnna neih a ni a, inbiakrawnna neih hma khan Election Commission thu bawhzui hian mi \henkhatin Tripura Bru Camp-ah thil an tih duh te an lo ti \an daih tawh tih hriat a ni a, hei hi Mizoram sorkar hriatpui lova thil tih a ni em tih chu an zawhna niin a sawi a, Bru Camp-a awm te zingah Electoral Roll-a inthun thar dilna leh thil tihdanglam dilna form 6, 7 leh 8 te chu Bru Camp-ah lo sem daih tawh a ni chu an hriatthiam loh thu a sawi a ni. Puan tawh angin Tripura Bru Camp 6-ah hian tunkar tir lam khan Electoral Roll ennawn hna \an a ni a, Roll-a inthun thar duhte dilna form 6 leh Electoral Roll-a thil siam\hat ngai leh tihdik ngai awmte tihdik dilna form 7 leh 8 te chu sem a lo ni tawh a ni.