Mamit DC Office-a Election Branch rawktute chhui zelnaah Special Investigation Team chuan thu zawhfiah atan vawiin chhun khan mi 6 dang an man belh.

0
345
views

Heng mite hi pawn lammi, Tripura Bru Relief Campa awmte laklet dawna an mahni pui tura rawih, electoral roll ennawn kaihhnawih hna a anmahni pui tura Election Department mite rawih zui nia sawi a nia, mipa vek an ni. Heng mite hi Police te chuan thu an la zawtfiah dawn a ni. Heng mi 6-te man hma hian Election Branch a thawk mi 5 Police-te chuan thu zawhfiah atan an lo la tawha, thu zawhfiah tura man zawng zawng hi 11 an tling ta a ni. Police hotute hnen a\anga thu dawn danin Election Brach rawk chungchangah hian tun dinhmunah thu chiang hriat theih a la awm rihlo a, a titu dik tak man chhuak tura beih zui zel a ni. Election Commission duh dan angin Mamit DC Office leh Election Office-te chu nimin a\ang khan chhun leh zan zawma ven zui an nia, a veng turin IR Battalion Platoon khat hman an ni. Puan tawh angin Mamit DC Office-a Election Branch hi tu tih hriatloh ten tun thla ni 23 zan khan rawkin, Tripura Bru Camp a Electoral Roll ennawnna tur lehkha thehluh te an suasam a ni. Hetih lai hian he thil thleng a hmuna enfiah turin Election Commission of India chuan Secretary pakhat, Pu S B Joshi leh Under Secretary pakhat, Pu Santosh Kumar Dubey te chu vawiin khan a tira, heng mite hian thlawhnaa Lengpui |umhmun vawin chawhnua an thlen hnuah Mamit lam motor-in an pan zuia, naktukah an tih tur tih zawh hnuah Aizawl an pan anga, Aizawlah September ni 2, Pathianni-ah hemi chungchang hi mi pawimawhte an sawipui dawn a ni.