Mamit DC Office-a Election Branch rawktute chhui zelnaah Special Investigation Team-in vawiin chhun khan Office-a thawk mi 5 an man.

0
366
views

 

An mi mante hi Election Branch-a thawk vek, mipa 3 leh hmeichhe 2 an ni. Zonet zawhna chhangin Mamit SP chuan heng mite hi Mamit Police Station-ah kawla thu zawhfiah mek an ni a, an hnen a\ang hian an thurualpuite hriat theih a nih beisei a ni. Hemi hmalam hian he thil kaihnawihah hian Police-te chuan mi 20 chuang thu an zawtfiah tawh a ni. Puan tawh angin Mamit DC Office-a Election Branch hi tun thla ni 23, kar kalta Ningni zan dar 11 hnu lamah rawk nia hriat a ni a, a rawktute hian Tripura Bru Relief Camp hrang hranga Electoral roll ennawnna tura Form 6, 7 leh 8 sem chhuah, inthunbelh leh thil tihdanglam duhten dahkhah ngai lai an dahkhah tawh, chinfel mek laite chu an suasam nia thu dawn a ni a, hemi chungchanga DC Office a\anga FIR an dawn bawhzuiin Police-te chuan Mamit Police Station-ah case no.51/18 ziak lutin a chhui hna an thawk nghal a, a chhui tur hian Mamit SP chuan Sub-Divisional Police Officer, Pu Jacob Hlychho kaihhruai Police Officer 4 awmna, Special Investigation Team a din a ni.