Mamita bekang eisual vanga damlo inentir 35 tling tawh

0
697
views

Mamita bekang eisual vanga damlo, damdawi ina inentir tawh zawt chu 35 an tling ta. Mamita ZONET palai hnen atanga thudawn danin bekang hi Zirtawpni khan Venghlun Bazarah zawrh a ni a, he bekang hi a umtu chhungkua amite leh midang engemawzatin an ei a, an ei hnuah mi thenkhat chu pumna, luak, kawthalo leh khawsikin an na a, an zinga mi 17 chu damdawi inah enkawl an ni a, khum a indaihloh avangin mi thenkhat chu an in lamah enkawl an ni. Thih hlauhawm khawpa na erawh chu an awm lo nia thudawn a ni. Bekang eisual zingah hian Venghlun High School Veng leh Hmar Veng ami an tam ber a ni. He bekang hi a umtu chuan Aizawl Bazar atanga a lei niin a sawi a, tun hmalam pawh khan a bekang lei zinga thenkhat chu umin a lo hralh tawh a, ei sual an awm lo niin a sawi a ni. Police te chuan thil awmdan an enfiah mek a, bekang an ei sual tak sample pawh Aizawla Forensic Science Laboratory-a endik turin an la a ni.