Mamita tlawmngai pawl hrang hrang, political party hrang hrang leh VC ten Mamit Bawrhsap sawn chhuah phutin naktuk a\angin a pisa kai tur dan an tum a, Bawrhsap, Pu Bhupesh Chaudhary chuan Cr.PC Section 144 tlawh chhanin mi panga aia tam awmkhawm khapna thupek a chhuah ve nghal.

0
234
views

 

He thupek hi nizan dar 9 a\anga hman \an a ni. Hetihlai hian khapna thupek chhuah tak \ha taka kengkawh turin Magistrate leh Police te inralrin tir an ni a, ZONET thudawn danin naktuk a\anga duty turin 4th IR Battalion company hnih, 5th IR Battalion platoon hnih leh 3rd MAP platoon khat ruahman a ni a, buaina leh harsatna thleng palh thei vengin heng mite hi ngawrh takin duty tir an ni dawn a, Magistrate te pawh hmun hrang hranga duty tura ruat an ni.

Hetihlai hian he khapna thupek Bawrhsapin a chhuah chungchangah hian tukin khan Mamita Charkawnah tlawmngai pawl hrang hrang, political party hrang hrang leh VC te chu an inhmukhawm a, hetah hian he khapna thupek duh loh entirnan Mamit Sub Hqrs. YMA President, Pu K. Eley Rosanga chuan a copy a hal a ni. Inkhawma thusawiin, Pu K. Eley Rosanga chuan Mamit Bawrhsap thiltih dan chu mipuite zah lohna leh an duhdan pawisak lohna niin a sawi a ni. Hemi rual hian thuchhuah siamin tlawmngai pawl hrang hrang, political party hrang hrang leh VC te chuan Mamit Bawrhsap, Pu Bhupesh Chaudhary sawn chhuak tura sorkar an ngenna chu vawiin tlai dar 5 thlenga tihhlawhtlin a nih loh chuan na taka sorkar nawr chhunzawm an tum tih an tarlang a. Hemi hmalama Mamit Bawrhsapin Sub Hqrs. YMA hruaitute, sorkar hnathawkte chu Mizoram Assembly inthlanna neih tur atan appointment thar pein tukin khan a office-ah in report turin a hrilh a, hetianga thiltih hi pawl hrang hrang inzawmkhawm chuan \ha lo tiin an duh loh thu an tarlang bawk a ni.