Mani anpui kawp chungchang dan SC-in ennawn remti

0
381
views

Supreme Court-in mahni anpui kawp chu ram dan kalh nia kum 2013-a a lo puan tawh chu ennawn a remti a, Indian Penal Code section 377-na chu ennawn ni se a ti a ni. Hemi chungchangah hian mahni anpui kawp mi 5-in court sang berah hian thu an thehl<t a, an khawsak dan avanga Police te an hlauh thute an thlen a, court chuan hemi chungchanga sawi duh a neihte sawi turin sorkar laipui pawh a hriattir a ni. Kum 2013 December thla khan court sang ber hian kum 2009-a Delhi High Court thuchhuak, mahni anpui kawp hian ram dan a kalh lo tih chu a lo hnawl tawh a, Chief Justice Dipak Misra leh Judge pahnih – A M Khanwilkar leh D Y Chandrachud awmna bench chuan, kum 2013 December thlaa court thuchhuak, mahni anpui nena mipat hmeichhiatna thila inkawp chu dan bawhchhiatna a ni tih, IPC section 377-naa tarlan a lo thlawp tawhna chuan mi \henkhat rilru a tina nia a hriat thu sawiin, August thla khan mimal zalenna, right to privacy chu khua leh tuite chanvo bulpuiah puan a nih tawh bawk avangin, hei hi ennawn a tum ta nia hriat a ni.