Manipurah hian he bill duh lohna lantirnaah buaina a chhuak nasa hle a, Pathianni khan state chhung hmun hrang hrangah lungawi lohna lantirin PM Narendra Modi lim te hal a ni a, North East India Development Party chuan signature campaign a \an bawk a ni.
Janata Dal(United) JD(U) party te leh Manipur People’s Party(MPP) te chuan CM hian state assembly emergency session a koh nghal mai loh avang leh mipui te lakah an ngaihdan hriattir ni tawha an hriat vangin he inhmuhkhawmnaah hian tel an tum loh thu an sawi. CM N Biren chuan Union Home Minister-in hmarchhak mipuite humhalh an nih tur thu a sawi tawh avangin lungawi lohna lantirna chu tawpsan tawh turin mipuite a ngen a ni.
