Manipur CM N.Biren Singha’n India hmarchhak mi leh sa te humhalhna bill pass a nih loh chuan Citizenship Ammendment Bill chu thlawp an tum loh thu a sawi.

0
251
views

July thla khan Manipur State Assmebly chuan The Manipur People’s Protection Bill a lo pass tawh a, he bill hnuaiah hian Meitei mi, Pangal Muslim mi leh hnam dang, kum 1951 hmaa Manipur chhunga lo cheng tawhte chu khua leh tui nihna pek theih an ni a, Home Minister Rajnath Singh-a hnenah memorandum thawnin, President remtihna an nghak mek a, Biren Singh-a chuan Rajya Sabha-in Citizenship Bill a pass hmain Manipur People’s Bill chu pass an duh tih a sawi.

Citizenship Ammendment Bill hnuaiah hian Bangladesh, Pakistan leh Afghanistan a\anga India rama pemlut, Hindu, Jain, Christian, Sikh, Buddhist leh Parsi te chu kum 6 chhung India ramah an chheng tawh a nih chuan, India khua leh tui nihna pek theih a ni dawn a ni. Kar hmasa khan Citizenship Ammendment Bill hi Lok Sabha-in an pass a, India hmarchhak state tinah, nek chep nih hlauhna vangin, he bill duh lohna hi nasa taka lantir a ni a, buaina pawh a chhuak nasa hle a ni.