Manipurah Citizenship Ammendment Bill duhlohna lantirna nasa taka kalpui a nih laiin hmun \henkhatah curfew puan a ni a, mobile internet tiam chin awm lova tihtawp a ni bawk.

0
538
views

People’s Alliance Manipur leh Manipur People Against Citizenship Amendment Bill te kaihhruaina huaiah Bill duhlohna lantirin Manipur mipui ten an bei nasa hle a, Thawh\anni khan PAM hnuaia civil society 72 te chuan darkar 36 chhung bandh an huaihawt a, mipuite’n an thlawp \ha hle a, Meitei awmkhawmna district-ah te chuan puan dum kengin mipui an pungkhawm a, kawng te dang pingin motor ke tyre te an hal a, Thawhlehni khan Ima Market-a thil zuar hmeichhia te’n \hu chungin bill an duh lohna an lantir a, Thoubal, Bishnupur, Kakching leh Jiribam districtah te pawh hmeichhiate’n lungawi lohna lantirin kawng te an dang a, PM Narendra Modi lim te an hal a ni. Thoubal-ah chuan Imphal leh Moreh inkalpawhna kawng dan a ni a, MLA 60 te bang turin an phut a ni.

Rajya Sabha Business Advisory Committee te’n House-a Thawlehni-a bill hi sawiho an tum thu an puan hnuah, inven lawknan, Thawh\an a\ang khan Imphal chhak leh thlang lam district-ah te curfew puan a ni a, state pumah mobile internet tiam chin awm lova tihtawp a ni a, police-te’n hmun pawimawh te mipui kal theih loin an dang ping a, mipuite chu inchhunga awm turin aurinna hmangin an hrilh a ni.

Manipur CM hlui Okram Ibobi Singh leh party president Gaikhangam te kaihhruai congress palaite chuan New Delhi Jantar Mantar-ah bill an duh lohna an lantir a. MANPAC te chuan Congress te hnenah bill hi Rajya Sabha-a pharh a nih pawhin lungawi loa chhuak lova, bill hi dodal turin an chah a ni. Congress hian Rajya Sabha-a a member te kal kim turin a lo chah tawh bawk a ni.