Mara Autonomous District Council fur thutkhawm vawiina chhunzawmah Local Administration Deptt. changtu Executive Member, Pu MH Tiabi putluh Bill 4 sawihova pass a ni.

Heng Bill te hi The MADC (Village Council Amendment Bill) 2018 te, The MADC (Animal Control and Taxation Bill) 2018 te, The MADC Town Council or Committees (Amendment) Bill, 2018 leh The MADC Market (Amendment) Bill, 2018 te a ni. Hemi hmalama zawhna leh chhanna hunah zawhna 11 zawha chhan hman a ni. Session hi naktukah chhunzawma zawhfel tum a ni a, naktukah chuan Chief Executive Member, Pu N. Zakhaiin Amendment Rules 4 a pulut ang a, chungte chu sawihova pass tum a ni dawn a ni.