Mara Thalai Pawl huaihawtin Siaha khawpui thenfai beihpui thlak

0
403
views

Mara Thalai Pawl, Mara Thyatli Py huaihawtin vawiin khan Siaha khawpui thenfai beihpui thlak a ni. A hawnna inkhawm College Vaih-a inkhawm tawite neihah MTP President, Pu PP Zalena chuan thusawiin, thalaite chu fai leh thianghlimna ngai pawimawh tur leh midangte pawh zirtir zel tum turin a fuih a, MTP Branch hrang hrangten faina beihpui thlak an tawiawm chu lawmawm a tih thu a sawi bawk. He beihpuithlakah hian veng hrang hranga MTP Branch member te chuan an veng theuh an thianfai a, Mara Autonomous District Council-a Local Administration Deptt. motor hmangin an bawlhhlawhte a paihna tur hmunah an paih a ni.