White House National Security Council chuan Skripal te pafa tûr hmanga beih an ni chu khawvel ram hrang hrangte’n Chemical ralthuam chungchanga ngaihdan inang an neih zahlohna tilangtu a ni an ti a, US Department of State-in Russia hrek tura thu a ti tlu chu an tih tur reng a nih thu an sawi bawk a ni.
Puan tawh angin Skripal hi Russia tana enthlatu hna a thawh laiin, UK chuan an ram tana enthlatu-ah an chhawr ve leh chhawng a, a hna a chawlhsan hnuah UK-a Salisbury hmunah a khawsa zui a, a fanu nen hian khawlaiah nikhaw hreloa chhar an ni a, chhui chian a nih hnuah, hriatna thazam tichhe thei tûr chi khat, Novichok hmanga beih an ni tih hriatchhuah a ni a, UK chuan he tûr hi Russia kut chhuak a nih vangin, Russia chu inrawlh ngeiah a puh a, Europe ram dangte leh US nen \angrualin an rama Russia sorkar hnathawk 100 chuang an hnawtchhuak a ni.
