Max damdawiina naupiang hlim thia puan chungchangah doctor pahnih ban

Delhi khawpuia Max damdawi ina naute, phir piang hlim thia puan an nih chungchangah doctor pahnih ban an ni. Kar hmasa khan Max damdawi inah hian naute phir hi thla kim lo, thla nga lekah zai chhuah an ni a, thi-a puan zui an nih hnuah, an chhungten an hawpui laiin nausen pakhat zawk chu a lo la dam tih hmuh chhuah a ni a, hemi chungchangah hian Max damdawi in hotute chuan an damdawi ina doctor pahnih chu an ban thu an sawi a ni. He thil thleng hi Indian Medical Association pawhin a chhui chiang mek a, report a siam hmain Max Hospital hian Dr. A.P. Mehta leh Dr. Vishal Gupta hi a chawlhtir ta a ni.