Meghalaya CM-in nakkum state Assembly inthlanah Congress chak leh beisei

Meghalaya CM, Mukul Sangma chuan nakkuma state Assembly inthlan an neih turah Congress-in thuneihna an chan leh a beisei thu a sawi a, Meghalaya-ah hian sorkar ngelnghet a ding thei lo hle \hin chungin, Mukul Sangma hi kum 8 chhung, state CM a ni tawh a ni. Thuthar lakhawmtute hnenah Pu Sangma chuan, eptu pawlten paihthlak tuma an beih nasat poh leh, \an l^k nachang an hre ve tho niin a sawi a, BJP hian anmahni pualin duh dan leh tih tum pawh an nei lo a, RSS thil tum an bawhzui mai nia sawiin, hei vang hian BJP hi eng hmanrua pawh hmanga ram puma thuneihna chan tum turin RSS hian a fuih niin a sawi. BJP-in state tina thuneihna chan a tum chhan chu Rajya Sabha-ah member tam zawk a mamawh vang niin Meghalaya CM chuan a sawi a, Rajya Sabha-a member tam zawk a mamawh chhan chu ram danpui, a duh dan anga siam \hat a duh vang a ni a, ram danpui hi RSS duh dan anga siam \hat an ch^k a, hei hi ram \hen darhna tur a ni ang tih a hlauhthawn thu a sawi bawk.