Meghalaya Deputy Chief Minister, National People’s Party hruaitu nibawk, Pu Preston Tynsong-a’n kumina Mizoramin Assembly inthlanpui a hmachhawn tur chu an chuh dawn tih vawiina a mah kawmtu thuthar lakhawmtute a hrilh.

0
217
views

 

Pu Preston Tynsong chuan, National People’s Party chu Mizoramah din tura chak taka hmalak mek a ni tih sawiin, hemi buaipui tur hian BJP Mizoram Pradesh Vice President hlui, Central YMA President pawh lo ni tawh Pu Lianzuala ruat a ni tih a sawi a. An Party-in a tum ber chu hmarchhak bial mipuite suihkhawm a, an hnam nunzia humhalh te, kristian sakhaw humhalh leh hmarchhak bialin chak zawka hma a sawn theih nan \anlak a ni tih a sawi. Pu Preston Tynsong hian nimin khan Aizawl a lo thleng a, nimin vek khan tun hnaia Home Minister a\anga bangta Pu R. Lalzirliana chu a chenna in-ah a tlawh a. Hemi chungchanga thuthar lakhawmtute zawhna chhangin Meghalaya Deputy Chief Minister chuan, Mizoram a lo tlawh hian tun hnaia Congress Party chhunga buaina awm nen inkaihhnawihna a nei lo niin a sawi a. Pu R. Lalzirliana chu tun hma a\anga a \hian hnai tak a nih avanga tlawh satliah mai a ni tih thu a sawi.