Meghalaya leh Nagaland inthlan boruak sosang sawt

0
563
views

Meghalaya Assembly inthlan lo awm tur inpuahchahna kal zelah, Election Commission chuan inthlan kaihhnawih thil engmah chanchinbu emaw, thil dangah emaw chhuah khapna thupek a siam. EC chuan he thupek hi inthlan ni atana ruat, tun thla ni 27 leh a hma, darkar 24 chhung hman tur a ni a ti a, hei hi Congress party te’n hmun thenkhatah tualchhung hotute’n an hruaitu Mukul Sangma sawichhiatna BJP-ten an chhuah nia an sawi vang a nih thu an sawi bawk a ni.

Nagaland-ah pawh inthlan boruak a sosang sawt hle a, inthlan lo awm tur kaihhnawih thil eng emaw vanga tharum thawhna thleng, thubuai 20 vel chhinchhiah a ni tawh a, mi 50 man an ni tawh bawk tih State Chief Electoral Officer, Abhijit Sinha chuan a sawi a, hetiang hi an dinhmun ni mahse, hmun tam zawkah chuan boruak a ralmuan thu leh, an inpuahchahna pawh a kal tluang hle niin a sawi a ni.

Puan tawh angin Meghalaya leh Nagaland state-te hi tun thla ni 27 hian an inthlang dawn a, Tripura inthlan zawh fel tak te nen, thla thar ni 3 hian a rualin vote chhiar a ni ang.