Meghalaya Poll Officer-in mitdelte vote thlak theihna tur Braille Voter I-Card a sem chhuak.

Meghalaya Chief Electoral Officer Fredrick Roy Kharkonger chuan Braille Voter I-card hmasa ber chu Shillong-a mitdelte zirna sikul, Jyoti Sroat Inclusive School Principal, Padmahree Berth Dkhar hnenah a hlan a ni. Election Commission chuan pianphunga rualban lohna neite pawhin inthlan-a vote an thlak ve theih nan Braille Voter I-Card siam hi a rawt a, state chhunga mitdel 797 awm te tan braile-a chhut ballot paper 800 a semchhuak tawh a ni. Meghalaya-ah hian tun thla ni 11 hian candidate 9-in Lok Sabha seat 2 an inchuh dawn a ni.