Trump-a hian Mexico chu ramdangmi US-a dan lova pemlut \hinte khuahkhirh kawnga hma la \ha lovah puhin Mexico a\anga US-a thil chawk luhah te chhiah zaa 5 a tihpunah a vau a, Mexico hian hma a la lo zel anih chuan thla tina tih pun chhoh zelah a vau a, chhiah tihpun \an hun tur hi Thawh\anni khi a nih tawh avangin Mexico hian hmalak a intiam ta tih Trump-a hian a sawi. Mexico Foreign Secretary Marcelo Ebrard pawhin hei hi nemnghetin ni thum chhung inbiak a nih hnuah inremna siam a ni a ti.
Trump-a hian a party mi te pawh rawn lovin hetianga Mexico laka hmalak a tum thu hi kar kalta khan a puang thut a, February thla khan US leh Mexico inrinaah hian emergency a lo puang tawh a, hei hi dan lova US-a pem lut te danna tura thil \ul a ni a ti.
