Mexico-ah Richter scale-a 8.1-a nain lir a nghing, mi 6 vel thi

0
730
views

Mexico ram chhim lam vaukamah nizan khan Richter scale-a 8.1-a nain lir a nghing tih US Geological Survey chuan a sawi a, mi 6 vel an thih bakah in tam tak a chhia a, kum 100 vel chhunga Mexico rama lirnghing na ber nia sawi a ni. USGS chuan he lirnghing hi Chipas state-a Pijijiapan khaw chhim thlang lam atanga km 87 hla, Pacific tuifinriat-a tui hnuai, km 70-a thuk atanga nghing tan niin a sawi a, Mexico sorkar chuan Richter scale-a 8.4 vela na niin a sawi. He lirnghing hi Mexico khawpui, Mexico City-ah pawh a hriat phak nia sawi a ni a, khawpui tumhmuna darthlalangte pawh a keh bakah, hmun thenkhatah kawlphetha pekna chhe bawk a, Mexico thenawm, Guatemala-ah pawh a sawi na hle a, mi pakhat a thi a ni. Kum 1985, September ni 19 khan, Mexico City-ah Richter scale-a 8 vela nain lir a nghing a, mi 5,000 vel an thi a ni.