Mexico Interior Ministry sawi danin heng mite hian tharum nena \an khawhin ramri kana US-a luh an tum a, an vaiin man vek an ni. Video thlalak \henkhat a\anga a lan danin naupang leh hmeichhiate telna mi 20 rual vel chu Tijuana khawpui bulah Mexico leh US inrina lam panin an tlan a, US lama ramri vengtute chuan mittui tlakna hlovin an lo hnawt let a ni. Mexico Interior Ministry thupuangtu chuan hetianga tharum nena beia ramri kan tumtute hi mi 500 vel an ni tih sawiin, an vaiin an ram lamah thawn haw vek an ni dawn tih a sawi.
Tijuana ah hian tun thla tir lamah US-a pemluh tum mi sang tel tam tak an lut a, heng mite hi Honduras, Guatemala leh El Salvador lam mite an ni a, an ramah tih duhdahna, retheihna leh tharum thawhna an tawrh nasat avangin US venhimna beiseiin US hi an pan niin an insawi.
