Mexico ram hungna senso atan kum 10 chhunga hman tur dollar tld, 18 chuang Trump-a’n mamawh

0
485
views

US President, Donald Trump-a’n Mexico ramri hungna senso atana kum 10 chhunga hman tur, dollar tld. 18 chuang a mamawh tur thu, US rorel khawl a hrilh a, ramri hung hi President thlanna atana a campaign laia a lo tiam tawh a ni. He pawisa hi ramri hungna thar, mel 316-a thui siamna tur leh, hung tawh, siam \hat ngai, mel 407 a thui siam \hatna tur a ni a, sum mamawh tur zat leh a hmanna tur hi nimin khan US Customs and Border Protection-in Senator te hnenah a thawn a ni. He hna hi tluang taka thawh a nih chuan, US leh Mexico ramri, mel 2,000 vela thuia a zatve aia thui chu kum 2027-ah chuan hung hman a nih beisei a ni a, Democratic Senator te chuan, sum heti zozai hi ramri hung nana hman a nih chuan, sorkarin sum a tlachham thei mai dawn niin an sawi a, President Trump-a hian ramri hung chu sorkar tihtawp aiin a thlang zawk em ni, tih an zawt a ni. Campaign chhung khan Trump-a hian Mexico ramri hi hung a nih tur thu leh, a senso pawh Mexico tumtir a nih tur thu a lo sawi tawh a, tuna America senso tur anga tih a nih leh t^k avang hian, America mipuiten an pawm thei ang em, tih sawi a har hle a ni.