Mihringte sual tlan tura Isua Krista kraws-a khenbeh a nih champha, Good Friday chu khawvel hmun danga Kristian-te rualin Mizoramah pawh urhsun taka hman a ni.

0
194
views

He ni Mizorama Kohran hrang hrang chuan an remchan danin an hmang hlawm a, Kohhran \henkhat ruai\heh te pawh an awm a ni. Catholic Kohhran chuan nimin khan Kraws kawng an zawh a ni.

Naktuk, Pathianni hi Isua Krista Kraws-a khenbeh a nih hnu a, a thawhlehna champha, Easter Sunday a ni a, Mizorama Kohhran hrang hrang chuan he ni hi urhsun takin an hmang hlawm dawn a. Kohhran tam zawk chuan zanin inkhawmah Easter Sunday programme an hmang \an ang.

Presbyterian Kohhran chuan naktuk chawhma inkhawmah Synod a\anga thupui thlan, ‘Thihna hnehin a tho leh ta’ tih hmangin Pathian thuchah an ngaithla ang a, chawhnu inkhawmah ‘Tho leh Lalpa nena len dun’ tih leh zan inkhawmah ‘Amah angin kan tho leh ang’ tih thuchah an ngaithla dawn a ni. Chawhma inkhawm banah Isua Krista thawhlehna lawmna atan thingpui ruai an kil ho dawn bawk. Kristian |halai Pawlte chuan zing khawvar hma a\anga \anin Sunrise Service an hmang leh dawn bawk.

Baptist Church of Mizoram chuan Easter Sunday hi urhsan takin an hmang dawn a, kumin hian Hqrs a\anga thupui thlansa, ‘A sawi ang ngeiin a thawh leh tawh kha’ tih hmangin Pathian thuchah an ngaithla dawn a, Kohhran Zaipawl bakah KNP, BMP leh Group zaite ngaithlak a ni bawk ang. BCM Headquarters \huthmun, Serkawn Kohhran chuan vawiin khan Kohhran pum huapin Pathian an chawimawi a, nilenga Pathian faka zaikhawmin tlaiah ruai an kil ho nghal a ni.

UPC North East India General hruaitute chuan hmun hran hranah Easter Sunday programme hi an hmanpui dawn a. Salvation Army chuan Easter Sunday hi Territory chhunga Corps leh Society hrang hrangah uar taka hmang turin ruahmanna an siam a, var\ianah thawhlehna hriatpuina kawngzawh an nei anga, mual inkhawm pawh neih a ni ang. Easter Sunday tuk hian YP Corps leh Senior Corps te buatsaihin Easter Egg sem a ni bawk ang.

Catholic Kohhran chuan zanin inkhawmah Easter Vigil Mass, meithar lak zan an tih bawk chu an nei ang a, hetah hian bati chhin, tui thianghlim malsawmna an dawng dawn bawk. Aizawl Bishop Most Rev. Stephen Rotluanga’n Muthi-a St. John’s Church-ah Easter programme hi a hmanpui dawn a ni.