Milli Muslim League political party-a inziah luh khap turin Pakistan sorkarin court ngen

0
688
views

Pakistan sorkarin mi firfiak, Hafiz Saeed-a thlawp, Milli Muslim League chu political party-a a inziah luh theih loh nana khap dan ngaihtuah turin court a ngen a, MML hi political party-a pawm a nih chuan, tharum thawhna leh inthahna a hluar thei dawn niin a sawi. Saeed-a hian a kaihhruai, Jamaat-ud-Dawa pawlin nakkuma Pakistan Parliament inthlanpui chu MML hminga chuh a tum thu a lo puang tawh a, Election Commission of Pakistan chuan Milli Muslim League-in political party-a a inziah luh a tumna chu October ni 11 khan a lo hnawl tawh a, hei hi MML hian court-ah a khing a ni. Pakistan sorkara Interior ministry chuan Islamabad High Court hnenah, MML hi Pakistan ram chhunga dan pawna hnawl pawl hrang hrang nena inzawm a nih avangin, political party-a a inziah luh a tumna chu hnawl \ha a tih thu a lo sawi tawh a, MML-in Election Commission a khinna pawh hi lo hnawl turin a ngen a ni.