Minister hlui, Rev. Dr. H. Lalruata’n vawiin khan BJP a zawm a, BJP Mizoram Pradesh President, Prof. JV Hluna’n an party chhung inkhawmah a lawmlut a ni.

0
255
views

Rev. Dr. Lalruata chuan, tun hmaa a lo awmna \hin MNF Party chu Pathian leh kan Ram tan titu party an ni chunga an thusawi leh an thil tih inmil lo a tam avangin chhungrila Nationalist si lo \awngka chauha Nationalist an ni tih a chiang hle niin a sawi a. Mizoram tanaka beisei leh hotute hnathawh a enin a beidawn thlak a tih avanga a siam\ha tura a beisei awm chhun BJP chu zawm ta a ni tih a sawi. Rev. Dr. Lalruata chuan, BJP chu RSS leh HINDUTVA avangin mi tam takin an hmu tuihnai lo niin a sawi a, hetiang hi ni mah se, a tawpah chuan BJP hian \hi leh dar, hausakna, hmasawnna, retheihna ata dinchhuahna a thlen dawn tih chiang hle niin a sawi.

He inkhawm hi State BJP General Secretary, Pu Vanlalhmuaka’n a kaihruai a, an party zawm tharte lawmluttu State BJP President, Prof. JV Hluna chuan, Mizoramah BJP in hma an sawn nasa hle niin a sawi a. Tunah hian Assembly bial hrang hrangah Booth Level Conference an nei mek a, bial 13 hmabak an la nei chungin Voter nuai 1 chuang an nei tih a lang tawh niin a sawi a ni.