Mipat-hmeichhiatna lama inthamna thubuai siamsak a nih avanga K-pop group, Big Bang member Seungri-a’n rimawi khawvel a chawlhsan thu a puan hnuah zaithiam Jung Joon-young-a’n a thil tihsual hailan a nih hnuah rimawi a bansan thu a puang.

0
345
views

Kum 28 mi zaithiam Seungri hi director a nihna night club pakhat “Burning Sun”-ah mipat-hmeichhiatna lama sumdawnna, ruihhlo semchhuah leh pawngsualna a thleng \hin nia sawi a tam avangin police te’n an chhui a, Seungri hi he hmun chhimtute tana nawhchizuar ngaihtuahsak \hinah puhin a lakah thubuai siamsak a ni a, Seungri chuan he thil-ah hian a inhnamhnawih loh thu sawiin Police te chu \ha taka thawhpui a tum thu a sawi a, rimawi khawvel a chawlhsan thu a puang a ni.

Police te’n Seungri an chhuina lamah hian Seungri nena group chat inanga awm Jung Joon Young thil tihsual chu hailan ve nghal a ni a, Jung Joon Young hian hmeichhiate remtihna tel loa, mipat-hmeichhiatna a hmanpuilai video engemawzat lain he group chat-ah hian a thawn a, video hi hmeichhe 10 chuang a laksak nia hriat a ni.
Kum 30 mi Jung hi Seoul Metropolitan Police te’n an chhui dawn a, a thil tih sualte chu a pawm thu puangin, a thil tih avanga lungawi lo amah ngaisangtu te leh heng hmeichhia an remtihna tel loa video a laksak te hnenah ngaihdam a dil a, police te \ha taka a thawhpui tur thu sawiin, a thil tih sual avanga hremna chu a pawm tur thu a sawi rualin TV leh rimawi lama a hna zawng zawng a chawlhsan tur thu a puang bawk a ni.

Heihi Jung-a laka hetiang thubuai siam vawikhatna a ni lo a, kum 2016 khan a bialnu hluiin a phalna tel loa video laah a lo puh tawh bawk a, mahse a hnuah sut leh a, Jung hian a phalna a pe niin a sawi a ni.