Mipuiten taksa hriselna an ngai pawimawh theih nana infuihna atan Sports and Yout Services Department-in tukin Aizawlah Fit Mizoram Run a buatsaih a, hetah hian Chhangurkawn, Kulikawn leh Ramhlun North-a Aizawl North College a\anga tlante chu Lammualah an intawkkhawm a ni.

0
348
views

Lammuala a kharna inkhawm tawi neih chu Sports Director, Pu Zothanmawia’n a kaihruai a, Sports Secrertary, Pu H. Lalengmawia chuan, hrisel turin taksa fit a ngai a, chu chu mihringin an mamawh ber pakhat a ni, a ti a. Taksa fit taka vawng tur chuan beih nasat a ngai a, fit lo tura awm erawh thil harsa lo tak a ni thung tih sawiin, tun hma chuan zunthlum leh thisen sang chu khawthlang ho natna tih \hin a ni a, tunah chuan Mizote natna tlanglawn tak a ni ta mek a. Naupang te te zun thlum vei an tam em em tawh avangin Exercise lak \hat a ngai a, ei leh in thlenga insum a ngai a ni, a ti.

Fit Mizoram Run-ah hian Mizorama State Level Sports Association hrang hrangte, College zirlai, Sports & Youth Services Department leh Mizoram State Sports Council thawktute an tel a. An ni bakah hian Minister leh MLA engemaw zatin an tel a, an hovin Lammual vawi hnih an tlan hual a ni.