Miss Mizoram atan North Khawbung nula, T. Ramthanmawii thlan a ni

0
4154
views

Miss Mizoram, 2018 thlanna, nizana R. Dengthuama Hall-a zawh fel takah Miss Mizoram atan North Khawbung nula, T. Ramthanmawii thlan a ni. T. Ramthanmawii hi Miss Mizoram 2017 Rody H. Vanlalhriatpuii chuan Miss Mizoram lukhum, Crown a khimtir a ni. Miss Mizoram 2018 thlannaah hian ITI Veng nula, C. Lallawmzuali chu pahnihna, First Runner Up a ni a, pathumna, 2nd Runner Up atan Bualpui NG nula, Chatuanmalsawmsangi thlan a ni bawk. A titha zual panga, Top Five-a lang dangte chu Josephine Lalnunfeli leh Lily Lalremkimi Darnei an ni a, Miss Mizoram ni ta, T. Ramthanmawii hi lawmman atan tangkafai Rs 1,10,000/- bakah, a thlawna Dubai-a zin theihna CMS Holidays in an tih sak te, Vespa scooter, CK Cars Vespa Dealer, Bawngkawn pek, Vivo phone, Rainbow House of Electronics, Zarkawt & Khatla pek leh Magnus Health Club member nihna pek a ni. T. Ramthanmawii hi Pu Lalzawngliana leh F. Aikhumi te fanu, kum 1996 November ni 30-a piang a ni a, an unau hi mipa 2 leh hmeichhe 2 an ni a, an unaua naupang ber a ni. Aizawla Republic Hmar Veng-a VLC Girls Hostel-ah a cheng a ni. Miss Mizoram 2018, T. Ramthanmawii hi Govt. Aizawl College-ah BA 4th Semester (Political Sc) zirlai a ni a, Govt. Aizawl College-a ‘Miss’ ni lai a ni.

1st Runner Up C. Lallawmzuali hian Rs 50,000/- leh Vivo Smartphone a dawng a, 2nd Runner Up Chatuanmalsawmsangi’n sumfai Rs 30,000/- leh Vivo Smart Phone a dawng bawk a, an pahnih hian Magnus Health Club member nihna pek an ni bawk. Miss Mizoram 2018-ah hian Subtitle 10 sem a ni a –

Miss Congeniality – EMALIE B. LALCHHANCHHUAHI
Best Gown – T. RAMTHANMAWII
Miss Photogenic – LALDINTLUANGI
Miss Talented – C. LALLLAWMZUALI
Miss Multimedia – LILY LALREMKIMI DARNEI
Beauty with a purpose – T. RAMTHANMAWII
Miss Active – LALNUNNEMI
Miss Rampwalk – KC LALHMUNSIAMI
Miss Perfect 10 – C. LALLAWMZUALI
Miss Personality – JOSEPHINE LALNUNFELI te thlan an ni.