Khawvela nula hmel\ha leh chhuanawm, Miss Universe thlanna chu nizan khan zawh fel a ni a, kum 22 mi, Miss South Africa, Demi Leigh Nel-Peters chu Miss Universe 66-na atan thlan a ni. Nel-Peters hi Miss South Africa ni lai a ni a, North-West University a\angin Business Management a zir zo a, South Africa mi, Miss Universe pahnihna a ni. Kumin Miss Universe thlanah hian ram hrang hrang a\angin nula 92 an inel a, \um danga la tel ngai lo, Cambodia, Laos leh Nepal aiawhte pawh an tel a ni. Miss Universe thlanna hi United States, Las Vegas-a Planet Hollywood Resort & Casino-a The Axis an tihah buatsaih a ni a, India aiawh, Shraddha Shashidhar chu a ti\ha zual 10 zingah a tel ph^l lo a ni. Pahnihna chu Miss Colombia a ni a, pathumna chu Miss Jamaica a ni.
Kum 1994 khan India mi, Sushmita Sen chu India mite zinga Miss Universe hmasa ber a ni a, kum 2000 khan Lara Dutta chu thlan a ni leh a, kum 1994 khan Aishwarya Rai chu Miss World a ni a, kuminah hian Haryana nula, Manushi Chhillar chu Miss World a ni ve leh ta bawk.
