Kumin June ni 25-a Guwahati-a Hmarchhak bial enkawltu BJP General Secretary, Pu Ajay Jamwala an kawmnaah Missionary Cell hi din a remtih leh remtih loh an zawt a, a remtih angin he Cell hi din a ni a, hei hi tuna an Chairman ni ta, Pu Lalhriatrenga Chhangte-in BJP a zawm chhan pawh a ni, a ti. Prof. JV Hluna chuan, Missionary Cell chu Mizo Missionary harsatna tawkte \anpui turin ni tin darkar 24 chhung biak pawh theih renga an awm dawn niin a sawi.
Chanchinbumite zawhna chhangin Missionary Cell Chairman, Pu Lalhriatrenga Chhangte chuan, Missionary Cell din a nih thu tun thla ni 17-a BJP Mizoram Pradesh President, Prof. JV Hluna’n a tihchhuahah Missionary-te Phone Number, E-mail leh Address kimchang lakkhawm tur tih lam hawia a sawi chu an nihna hriatchian duhna vang ni lovin harsatna an tawh thulha awlsam zawka an biak pawh theihna atan tih mai a nih thu a sawi a. He thil hi RSS remruatna avanga din ni lovin Mizo Kristian an nih anga \anpui ngaite \anpuina tura tih mai a nih thu leh BJP chu Missionary rilru pua zawm a nih angin Kristian-te tana \ha lo zawnga hmalakna awm apiang huaisen taka a dodal zel tur thu a sawi.
