UD&PA Pu Zodintluanga’n MNF party chu Mizo Carbon hnen a\anga pawisa la-ah a puh a, Pi Vanlalawmpuii Chawngthu, Minister of State a nih lawmpuina inkhawm, vawiina buatsaihah he thu hi sawiin, Central YMA lamin Mizo Carbon chungchang, nasa taka an chhui lai pawha tuna amah puhtute an ngawih tlat chhan chu pawisa an lo lak vang hi a nih a rinawm nia sawiin, kum 2013 khan a neitu, Gulgulia hnen a\anga party fund a dawn thu, MNF Treasurer, Pu Vanlalzawma’n ziakin a dah nia sawiin, hei hi hmuh theihin a awm reng niin a sawi bawk. Pu Zodintluanga chuan Mizo Carbon chungchanga a dikzia leh a tel lohzia tichiang turin Court-ah a thlen tawh tih sawiin, hnehna pawh a chan a beisei thu a sawi bawk. Vanlalawmpuii Chawngthu, Minister of State-a dah a nih chungchang sawiin, Pu Zodintluanga chuan, Congress |halaiah term hnih President ni tawh, Minister of State-a dah a ni leh ta chu Pu Lal Thanhawla kaihhruaina hnuaiah thalaite tan khawvel thar siam zel a nihzia tilangtu niin a sawi bawk. He inkhawmah hian Pi Vanlalawmpuii Chawngthu pawhin thu a sawi a ni.
