Inkhawm hi an pawl Vice President Pi Lalthlamuani’n a kaihruai a, a hmanpuitu Horticulture Director Pi Elizabeth Saipari chuan, hmeichhiate chu ram rawngbawlna kawngah tih theih an neive tih an inhriat a ngai a, Politics-ah pawh an in chiah ve a ngai a ni a ti a, tu leh fate enkawl kawngah theihtawp chhuah a ngai tawh tih sawiin ruihhloin naupangte luh chilh mek a, he thil \ha lo laka fate venhim chu nute mawhphurhna pawimawh tak a ni a ti.
An pawl President Pi Saipuii pawhin thusawiin kumpuana an hman Hmeichhiate leh naupangte tih chu a hlawhtlin theihna turin kawng hrang hrangin hma an la tih a sawi a, hetihlai hian hmeichhia pawngsual mai pawh ni lo kumtling lo pawngsual leh an chunga hleilenna thleng \hin chu thil lungchhiatthlak tak a ni a, hetiang thil thleng \hin dolet turin MHIP member ten tih tur an nei a ni a ti.
Tun dinhmunah rampumah MHIP member 289,300 an awm a, Sub, Hqrs. 7 Block 26 Joint MHIP 24 leh Branch 729 an awm a ni. Chawhnu lamah an pawl President kaihhruaiin ro an rel a, General Assembly hi naktukah chhunzawmin hruaitu thar an thlang ang.
