Mizo Idol 2018 Audition Round chu District khawpui hrang hrang, Champhai, Serchhip, Lunglei, Lawngtlai leh Siahaah te neih zawh a nih hnuah vawiin khan Kolasib-a CZS Studio-ah chhunzawm leh a ni

0
761
views

Hetah hian zaithiam inel mi 50 zinga 25 te chu vawiin chawhnu dar 2 a\anga audition \anah an zai a, 25 dang chu zanin dar 8 a\angin an inel leh dawn a, hei hi ZONET chuan Live-in Zawlbuk Channel-ah a pe chhuak leh dawn a ni. Hemi hmalama district hqrs. hrang hranga Audition Round neihah Champhai district a\angin 2nd round-ah mi 14 an lut a, kum 2015 Idol contest-a top 50-a tel mi pakhat nen Champhai district a\angin second round-a lut mi 15 an awm ta a ni. Serchhip-ah mi 10 leh Lunglei-ah mi 15 leh Lawngtlaiah mi 17 second round-ah an lut tawh a, tun thla ni 2 zana Siahaa inelna result chu zanina Kolasiba inelnaah puan a ni dawn a ni. Aizawlah chuan Mizo Idol 2018 Audition Round hi tun thla ni 7-ah ZONET Studio-ah \an a ni dawn a, hetah hian zaithiam 345 an inel dawn a ni.