Hemi hmalam hian top 4 inelna tun thla ni 18, Thawhleh zana neih result puan a ni ang a, Top 4 thleng la tlingte chu Jerry Lalrinawma Chanmari Aizawl, H. Lalnunsiami Champhai, Ticos Darhmingliana Chhinga Veng leh Immanuel Lalawmpuii Zemabawk te an ni a, an zinga pakhat a tla ang a, a la tling zawng pathumte an inel nghal ang.
Zanina Mizo Idol inelna hi Zawlbuk Channel leh Zonet HD Channel-ah te live-a pek chhuah a ni ang. Mizo Idol inelnaa la tling 3 te leh tla tawh te hian karleh Thawhlehni, tun thla ni 25-ah inelna nei lovin, mipuite ennawm atan show an nei dawn thung. A tlangkawmna Grand Finale chu tun thla ni 28, Zirtawpniah a hmun ngaiah neih a ni ang a, Mizo Idol 2018 lawmman tur chu
Rs. 1,50,000/- leh Scooter
a ni a, pahnihna-in Rs. 80,000/-,
pathumna-in Rs. 50,000/-,
Top 5-a tlingten Rs. 15,000/- \heuh,
Top 10-a tlingten Rs. 10,000/- \heuh an dawng dawn a ni.
