Inelna \an hmain top 5-te inelna tun thla ni 14 zana neih result puan a ni ang. Top 5 inelnaah khan Jerry Lalrinawma Chanmari Aizawl, H. Lalnunsiami Champhai, Jonathan Lalengzauva Pangzawl, Ticos Darhmingliana Chhinga Veng leh Immanuel Lalawmpuii Zemabawk te an tel a, an zing a\ang hian pakhat a tla anga, hemi hnu hian a bak mi 4-te chu hla pakhat \heuh sain an inel zui dawn a ni. Zanina Mizo Idol inelna hi Zawlbuk Channel leh Zonet HD Channel-ah te live-a pek chhuah a ni ang. Mizo Idol 2018 hi tun thla ni 21, Zirtawp zanah a hmun ngaiah chhunzawm leh a ni anga, hetah hian top 4 inelna result puan a ni anga, top 3-te an inel zui bawk ang. Contestant te tana mipuiten vote an pek theihna te chu Youtube Channel – ZONET-ah te, facebook page Zonet Cable TV Pvt. Ltd.-ah leh Instagram Account Zonet Official-ah te siam a ni a, Judge ten contestant te mark an pek hunah heng a\anga thlirtu ngah leh like-tu ngahte an en tel dawn a ni.
