Mizo National Youth Front General Hqrs. in vawiin khan thuchhuah siamin nimina MPYCC President, Dr. Lalmalsawma Nghaka’n MNF leh BJP thawkho tum anga a puhna chu thubelhchian dawn lo niin an sawi a, mipui hnena thubelhchian dawl lova puan chu sim se an duh tih an sawi.

0
235
views

 

MNYF chuan, BJP an thawhpui lo thu MPYCC-ten lo hre nawn se an duh tih an sawi a, an party President, Pu Zoramthanga pawhin BJP an thawhpui loh thu a lo sawi tawh bakah an party High Command pawhin thawhdun chungchang hi vawi khat mah an la rel lo niin an sawi. MNYF chuan, BJP President Amith Shah leh Mizoram inthlan viltu tura BJP-in an ruat Hemanta Bishwa Sharma te pawhin MNF an thawhpui loh thu Mizorama an rawn kal \umin an sawi niin an sawi a, hetihlaia Congress-in thawkho tum anga an puh lui \alh chu MNF boruak lian zel an mangang chalchang thil tiah an ngaih thu an sawi. MNYF chuan, BJP thawhpuia sorkarna siampuitu pawh mipuiin an hria niin an sawi a, kumin April thlaa Chakma Autonomus District Council inthlan zawha Congress Legislature Party Treasurer Pu Zodintluanga hovin Congress leh BJP-ten thawhhhona thuthlung siamin sorkar in\awm an siam chungchang pawh mipuiin an la theihnghilh lo a ni tih MPYCC ten lo hre thar leh tura an duh thu sawiin Mizoram Congress party chu ze \ha lo deuh nei leh an ham\hatna tur a nih dawn chuan thil tih hreh nei lovah puhin ramchhung State danga Congress party-in an tih duh loh Pu Lal Thanhawla kaihhruai Mizoram Congress party chuan BJP pawh an thawhpui hreh lo niin an sawi bawk.