Vawiin a Aizawl Press Club a thutharthehdarhtute an kawmnaah MNF \halai vice president Pu Lalremruata Chhangte chuan, Tuirini lei dawh lai kumin february ni 13 a chim chu a chim chhan chhuaichiang tura ruat Aizawl Bawrhsap Dr A Mutthama in May ni 23 khan a thil hmuh chhuahte sorkarah a thehlut tawh niin a sawi a, report thehluh a\anga thla 4 lai a liam tawh hnu pawha tunthlenga sorkar in ala puangzar lo chu MNF \halai chuan mak an tih thu sawiin he thilah hian puanzar ngam loh thil in thup a lan vang nge, a diklo zawk tawrh tir tumna a awm zawk? tih chu an zawhna a nih thu sawiin tun thla ni 30 ral hma a puangzar turin PWD Minister Pu Lal Thanzara an phut tih a sawi.
Pu Lalremruata Chhangte chuan, Aizawl Convention Centre sakna tur laih avanga AIzawl Chhimlam panna kawngpui MG Road kawngchhuat bal laia lei dawh tun thlenga zawh ala ni lo chu mipui tawrhna nasa tak thlentu a ni a ti a, lei dawh zawh thuai a nih theih nan chak zawka hma la turin thuneitute an phut tih a sawi a. Mizoramah lei hrang hrang a chim bakah kawngpui chhia vangin mipui tawrhna thleng nia sawiin PWD Minister Pu Lal Thanzara chu Mizoram in PWD minister a neih tawh zinga a ngaihna hre lo berah a puh bawk.
