Zunthlum, lung lam \hat lohna leh upat chak lohna avanga thi Pu Thanseia hian a nupui, Pi Thangkimi, fapa pathum, fanu pahnih leh a tute a kalsan a ni. Amah vuina inkhawm McDonald Hill Aizawla vawi chawhnu dar 1-a neihah bialtu Pastor, R. Lalchangliana’n thlamuanna thuchah sawiin a vui a, amah uitu mi \hahnem takin an thlah liam a ni. Rev. PD Sena leh Pi Saizoi te fa 14 zinga pathumna Pu Thanseia hian harsa tak chunga lehkha zir chho zelin BA a pass hnuah, BT a zir leh a, Gandhi Memorial High School Champhaia Headmaster hna kum engemawzat a thawh laiin zirtirna hnathawh kawngah a \hat zia leh a hlawhtlinna a lang chhuak a, National Teachers Award pawh a dawng a, mithiam leh \angkai tam tak a chher chhuak a ni. School Inspector hna a thawh hnuah leh Directorate of School Education-a officer pawimawh a nih laiin mite hriat hlawh khawpin hna a thawk bawk a, a thawhna hmun apiangah Kohhran tan mi \angkai leh a kaihruaitute zingah a tel a, meizuk \hat lohzia mipuite zirtirtu, Indian Society on Tobacco & Health Mizoram Chapter-ah pawh Secretary hna hunrei tak a chelh a, Mizoram Upa Pawl Hqrs.-ah pawh Office Bearers niin MUP Tlangau Editor hna kum 26 chhunga a thawk a, Zarkawt MUP Unit-ah President hna kum 25 chhung a chelh bawk. Lehkhabu ziak lamah pawh in hmangin lehkhabu panga a ziah bakah chanchinbua chhuah, article \hahnem tak a ziak bawk a ni.
