Vawiina Aizawl Press Club-a thuthar thehdarhtute an kawmnaah Pu Vanlalliana Khiangte chuan, Tuichawngchhuah chu Tuichawng VC huam chhung ami a ni tih a sawi a, In 49 leh mihring 222 an cheng niin Sorkarin a chhinchhiah tih a sawi a, hetihlai hian kumin January thla khan Lungsen MSU Sub Headquarters leh Tuichawng VC ten a hmuna an enfiah hnuah In 14 chiah a awm tih an finfiah tih sawiin In pakhat sak belh an tum chu an \hiah tir nghal tih a sawi a, Sorkarin in awm zat leh mihring awmzat a chhinchhiah chu thudik lo a ni a ti. MSU President chuan Tuichawngchhuah khua chu dan lova din a ni chungin Sorkarin eng, tuilakna leh school Building te a sa niin a sawi.
Pu Vanlalliana Khiangte chuan, Eviction Order chungchangah High Court in nikum August thla khan Lushai Hills District Village Council Act 1953 hmangin Eviction Order siam theih a nih thu Order a siam niin a sawi a, hetihlaia tun thlenga Sorkar hmalakna la awm lo chu an hriathiam loh thu sawiin tun thla ral hmaa Tuichawngchhuah khua chu \hiat ngei turin sorkar an phut tih a sawi.
