MSU President Pu RB Lalmalsawma chuan, naktip maia an pawl hruaitu thar thlang mai tawh tur an nih thu a sawi a, term a hman mekah zirlai leh ram leh hnam tana an hmalakna hrang hrangah MJA te \awiawmna an dawng \hin chu lawmawm an tih thu a sawi a, an hruaitu thar tur te nen pawh inpawhna tha an neih zel a beisei thu a sawi. Pu RB Lalmalsawma chuan zirlai ten Study Tour an neih theihna tura pawisa dah tura vawi engemawzat Sorkar an lo ngen \hin angin cheng nuai 40 dah sak an nih thu a sawi a, kuminah zirna uar tih kumpuan an neih angin zirna in hrang hrangah awareness Campaign an neih \hin thu sawiin MSU Pisa tur pawh MUP General Hqrs. bulah neih theih an inbeisei thu leh Chief Minister pawhin a pawmpui tawh thu te, Assembly House Committee pawmpuina an nghah mek thu a sawi bawk. Pu RB Lalmalsawma hi an pawl hruaitu te bakah Adviser ten an \awiawm a ni.
