Mizo Students’ Union din champha vawi 17-na Mizoram pumah MSU ten lawm

0
657
views

Mizo Students’ Union dinchampha vawi 17-na Mizoram pumah MSU ten vawiin khan an lawm. A lawmna pui ber MSU General Hqrs. a neih hi an pawl Treasurer T.Nengkhansuta’n a kaihruai a, an President RB Lalmalsawma chuan, Mizoram chu India ramah barhluiha lut nia sawiin, rilru dam lo chung pawhin State dangte hmasawn ruala Mizoramin hma a sawn theih nan Mizo taka India khua leh tui nih thiam a pawimawh a ni a ti. RB Lalmalsawma chuan, khawvel changkanna chu thalai tam takin an chhiatpui mek niin a sawi a, hemi kawnga inven chu thil pawimawh tak a nih thu sawiin ram leh hnam changkan nan thiamna sang chho zel chu hman dan thiam a, engpawh hmachhawn thei tura rilru lo inbuatsaih a tul tih a sawi. RB Lalmalsawma hian MSU kumpuan ‘Zirna Uar’ tih chu a hawng nghal bawk. Inkhawmah hian zirlaite leh hnampual zirlai hruaitute an tel a, chawhnu lamah an dinchampha pualin home thenkhat tanpuina an hlan a ni.