Mizo Students Union Federal Body Meeting chu Berawtlanga Art & Culture Auditorium-ah vawiin khan neih a ni.

0
227
views

An thurel zingah MLA Local Area Development Fund za zela 10 zirna kaihhnawiha hman a nih theih nana hmalak ni se an ti a, Higher & Technical Education Department-a Technical Wing chu Directorate puitlinga hlankai a nih theih nana hmalak te, sorkar Department hrang hrang Recruitment Rules ennawn a, a \ul anga siam\hat a nih theih nana hmalak te, Technical Entrance Exam turte tan Free Coaching Class pek a nih theih nana hmalak leh Mizoram ramri a him theihna atana a \ul anga hmalak te an rel a ni.

An pawl President, Pu RB Lalmalsawma chuan, Zirlai pawl hrang hrang hruaitute chu an inhman chhan hre chiang tur a duh thu a sawi a, zirlaiten an chanvo diktak an chan theih nana ding an ni tih an inhriat thar fo a \ul thu sawiin, zirlaite ham \hatna tur a ni phawt chuan mi ^ nih ngam pawh a \ul niin a sawi. Pu RB Lalmalsawma chuan, zirna uar tih kumpuan atana an hman ang ngeiin theih tawpin kawng hrang hranga zirlaiten hma an sawn theih nan zirlai hruaitu kalkhawmte chu hma la turin a chah bawk. Inkhawm hi an pawl Treasurer, Pu T. Nengkhansut-an a kaihruai a, Students’ Union Hruaitu zirna lama hlawhtlinna chang tharte lawmpuina thuziak an hlan bawk.