A hmanpuitu Art & Culture Minister, Pu R. Romawia chuan Mizo hnam leh lam ten nasa zawka hma a sawn theih nan sorkarin Music City din turin hma a la mek niin a sawi a, MSU-in hnam zia humhalhna leh \hangtharte zirtirna ni pah intihsiakna an buatsaih chu chhunzawm zel tlak a tih thu sawiin tun aia lian leh ropui zawk buatsaih zel a \ha a tih thu a sawi bawk.
Inkhawm hi an pawl Treasurer, Ngenkhansut-an a kaihruai a, MSU President leh Pu John Lalpeka ten thu an sawi bawk.
MSU Kulva Cultural Competion buatsaihah hian team ruk an tel a, Sawlakia leh Buhzaaih intihsiakah Govt. Hrangbana College pakhatna an ni a, Govt. T. Romana College-in dawtin Mizoram University chu pathumna an ni. Mimal intihsiakna Buhthlei (hmeichhia) ah Gov‘t Saitual College a zirlai Vanlalremruati chu pakhatna a ni a, pahnihna chu Govt Aizawl College Jesita Lalmuanpuii leh Pathumna chu Mimi Vanrammawii Gov‘t T. Romana College an ni. Hlado Bawhhla chhamah Govt. T. Romana College zirlai, Immanuel Lalneihkima chu pakhatna a ni a, Lalfawnliana Mizoram University zirlai chu pahnihna niin, Malsawmtluanga Pachhung University College chu pathumna a ni bawk.
