Mizo Sunday School Union Committee thutkhawm vawi 161-na nei

0
952
views

Vawiin khan Mizo Sunday School Union Committee \hutkhawm vawi 161-na chu Synod Office-a Lloyd Hall-ah neih a ni a, Synod Moderator, Rev. Lalzuithanga’n a kaihruai. Secretary report-a a lan danin, kumin chhung hian Bial huap training vawi 34 an nei tawh a, Kohhran malah vawi 37 an nei tawh bawk a, heng training neihpui hian MSSU Office thawktute leh MSSU Trainer te an kal \hin a ni. Kumin chhungin lehkhabu – Sunday School Zirlai bu hrang hrang leh a dangte nen bu 18 tihchhuah a ni a, kumin a\ang hian MSSU Flag siam thar a ni bawk.

Kumin chhung hian Sunday School hotute, zirtirtute leh zirlai zawng zawng belh khawm hi mi 4,33,793 an ni a, Sunday School chawimawina chi hrang hrang siam \an, kum 1967 atanga kumin thlenga chawimawina dawng tawh zawng zawng hi mi 40,920 an tling tawh bawk. Kuminah hian Khawvel Sunday School Ni-ah Puitling lamin “Zirtirna dik lo leh a rah chhuah” Rev. L.H. Rawsea ziak zir ho tur a ni ang a, Naupang lamah missionary “Adoniram Judson” Rev. Lalsangbera ziak zirho a ni bawk.