He Committee hi kumin July thlaa report Chief Minister hnena thehlut tura tih nimahsela vawiin thlengin report a la thehlut lo niin a sawi a, an hmalak dan an duhtawk lo tih sawiin MZP President, L. Ramdinliana Renthlei chuan
tun thla ni 10 ral hmaa Assam leh Mizoram ramri chungchanga sorkarin hmalakna lian tham a neih loh chuan Mizoram pum huapa kawng zawh an tum dawn tih an sawi. Hemi chungchang hi MZP President, Pu L. Ramdinliana Renthlei chuan vawiin khan Aizawl Press Club-ah thuthar lakhawmtute a hrilh a, MZP President chuan kumin March ni 10 khan Bairabi Zophai hmuna Pu Ch. Chhunga ram MZP te an pekah Zofate Chawlhbuk sak an tum laiin Assam Police ten buaina leh harsatna an siam avangin Zofate Chawlhbuk sak an tum chu a tihhlawhtlin theih rih loh niin a sawi a, Mizo \halai engemawzat thawk chhuakte chu silai leh tiang hmanga kutthlak an nih bakah an bungrua zawng zawngte halral sak vek an ni tih sawiin, MZP President chuan Kohhran Hruaitu Committee leh Mizoram sorkar ngenna avangin Zofate chawlhbuk sak hnatlang neih zui an tum chu chawlhsan lailawk niin a sawi a. Congress Legislature Party-in a lo rel tawh angin Bairabi Zophai hmunah hian Zofate Chawlhbuk sak thuai a nih theih nan hma la thuai turin MZP chuan sorkar a phut tlat niin a sawi bawk.
MZP President chuan ramri chungchanga inhriatthiam lohna hi Assam leh Mizoram thuneitute thu inhmuhfuh loh avangin enfiah chhunzawm a ni ta lo niin a sawi a, hemi chungchanga Silchar-a meeting neihah Union Home Ministry-a Joint Secretary, Pu Satyandra Garg chuan Mizoram sorkar hotute nen inbiakna neih leh tur niin a sawi a, Home Deptt.-a Additional Secretary, Pu Lalbiakzama kaihhruaia Mizoram sorkarin Core Committee a din chu kumin July thla ral hmaa a report kimchang Chief Minister hnenah thehluh tura tih a ni tih sawiin, Core Committee meeting hi \um hnih neih a ni tawh a, lehkha pawimawh zirchian tur te pawh lakkhawm tura tih a ni a, Mizoram leh Assam ramri zirchiangtu tur Core Committee hian hna a thawk chak loh em avangin report pek hun tura a tih, kumin July thlaah a report a thehlut hman lova, hemi avang hian August ni 3-a MZP meeting chuan Core Committee a\anga inhnuhdawh mai nise tia thutlukna a siam angin a inhnukdawk ta niin a sawi. MZP President L. Ramdinliana Renthlei chuan Assam leh Mizoram ramri chungchanga MZP hmalak zel dan tur hetiang Zonet a hrilh
