Mizo Zirlai Pawl Executive meeting vawiina an pawl pisaa thukhawm chuan sorkarin Mizoram leh Assam ramri zirchiang tura a din Core Committee member atanga inhnuhdawh an rel.

0
254
views

Hemi hnua thuchhuah an siamah MZP chuan Mizoram leh Assam inri-na zir chiang turin Chief Minister, Pu Lal Thanhawla kaihhruai kumin May ni 21-a mi pawimawh \hukhawmin Core Committee a din niin an sawi a, he committee-ah hian MZP pawh telh an nih thu leh \um 2 an \hutkhawm tawh thu te, an hmalakna chu July thla ral hmaa Chief Minister Pu Lal Thanhawla hnenah thlen tur a nih laia tun thlenga thlen ala ni lo chu an hriatthiam loh thu sawiin Core Committee hmalakna chu awmze nei lo leh rintlak lohah ngaiin he Committee member atanga inhnuhdawh an rel ta nia sawiin ramri chungchanga MZP dinna chu ala ngai reng niin an sawi. Hemi chungchanga ZONET zawhna chhangin MZP President Pu L Ramdinliana Renthlei chuan, Core Committee member an nih na atanga an inhnuhdawhna chu karleh thawh\anni hian sorkarah thlen an tum tih a sawi bawk. Meeting hi an pawl President Pu L Ramdinliana Renthlei an a kaihruai a ni.