MZP chuan, nikuma Bairabi Zopphai hmuna Zofate chawlhbuk sak an tum \umin Assam Police ten harsatna an siam avangin tunthlengin an la sa puitling thei lo tih an sawi a, Sorkar hmasa lakah an beidawn hnuin Sorkar tharah beiseina sang tak nei chungin Chief minister leh Home Minister bulah pawh lehkha an thehluh bakah Bairabi bialtu MLA pawh an sawipui tawh tih an sawi a, Mizoram leh Assam ramri enfeltu tur committee sang Core Committee din thar leh tura an ngenna pawh tun thlenga tihpuitlin a la nih loh avangin sorkar tharin ramri a vei tawk lo hle nia an ngah thu an sawi. MZP chuan, Zophaia Zofate chawlhbuk sak ngei an tum tih sawiin tun thla chhunga a hmunhma te enfel an tum tih an sawi.
