Hemi hnua thuchhuah an siamah MZP chuan, hnam dang nupui pasal nei lo tura inzirtirna chu kumtin an lo hman \hin angin tunkar zirtawpni khian Mizoram pumah hman leh nise an ti a, Aizawlah chuan Vanapa hall ah hman nise, High School leh Higher Secondary School zirlaite pualin Extempore Speech inelna buatsaihin College leh University Zirlai te tan Lalawithangpa chanchin zir hona buatsaih nise an ti a. Hei bakah hian Mizoram leh Assam ramri chungchangah Sorkar chu chak zawka hma la tura an phut thu te, Congress Legislature Party meeting in a lo rel tawh anga Bairabi Zophai hmuna Zofate chawlhbuk sak thuai a nih theih nan Sorkar chu hma la tura an phut thu te an sawi bawk.
