Mizo Zirlai Pawl General Headquarters-in kum 1966-a Mizoramin zalenna a puana hming ziaktute vawiin khan an chawimawi.

0
516
views

Hemi puala inkhawm MZP Conference Hall-a neihah an pawl President Pu L Ramdinliana Renthlei chuan, India Sorkar awpna hnuai a\anga mahni a ro in rel a zalenna sual tura hming ziak tute chu an ngaihsan thu a sawi a, Mizoram chu pi leh pu a\anga mahni a rorel a, eng ram awmna hnuaiah mah a awm ngai lo niin a sawi a, engemaw avanga British awpna hnuaia hun rei tak an awm hnuah India sorkar hnuaiah a awm leh ta chauh niin a sawi a, hetiang hi thil awm dan nimahse Mizoram hi India ram a ni ngai lo tih Mizo \halai ten an hriat thar leh a \ul tih a sawi. Pu L Ramdinliana Renthlei chuan, Mizoramin zalenna a sual chu kawhmawhbawl vang emaw sual vang hrim hrim avang a nih loh thu a sawi a, Mizo te chunga roreltute lak a\anga zalenna tluantling neih duh vanga sual an ni zawk niin a sawi. Pu L Ramdinliana Renthlei chuan, rambuai avanga rawrhna thleng chu mi\henkhatin sawinep tum mah se sawinep theih a ni lo tih a sawi a, hemi avanga harsatna tam tak thleng chu Mizo ten an la theihnghilh lo a ni tih India sorkar hian hria se a duh tih a sawi. Pu L Ramdinliana Renthlei chuan, Ram leh hnam tana nunna hlu tak hlantute, silaimu kara mi tlawmngai tak takte thawhrimna te, nu leh paten Pathian an auhnate chu \hangthar ten hre reng tura a duh thu sawin Pathianin rem a tih hunah Zofate chu ala zawmkhawm ngei a beisei tih a sawi bawk.

Pu L Ramdinliana Renthlei hian Mizoramin zalenna a puana hming ziaktu mi 8 hnenah chawimawina thuziak leh MZP chhinchhiahna chuang puanbah a hlan a ni.

MZP in chawimawina an hlan te hi Pu C. Lalkhawliana, Chanmari Aizawl, Pu H. Thangkima, Upper Republic, Pu R. Zamawia Tuivamit, Pu Bualhranga Dawrpui, Pu Dr. Saikunga Sailo, Aizawl Chanmari, Pu Zoramthanga, Chhinga Veng, Pu Khawlremthanga Zohmun leh Pu V. Lalchhawna Siaha te an ni.

Hemi hnu hian Zirlaite nen inkawmhona an neia zawhna leh chhanna hun hman a ni.