Mizo Zirlai Pawl MZP in vawiin khan hnam dang nupui pasala nei lo tura inzirtir tharna ni Aizawl Vanapa Hallah an buatsaih.

0
554
views

 

MZP President Pu L Ramdinliana Renthlei chuan hnam dang nupui pasala nei te chu ram leh hnam phatsantuah an ngai tih a sawi a, hnamdang kawp ching leh nupui pasal a neih chu changkannaa ngai an awm tlat chu pawi a tih thu a sawiin, hnamdang kawp chhan chu thatchhiat vang te, nawmsak duh lutuk vang te leh pawisa duh vang te a ni tlangpui tih a sawi a, hnamdang nena inneihpawlh chu awlsam taka hnam ralna a ni a ti. Hmeichhiain hnamdang an neihin an faten Mizo chanvo ang an chan ve theih tawh loh avangin an faten harsatna an tawh phah fo tih MZP President chuan a sawi a, ram leh hnam humhalh kawngah thikthu tihchhiat hle a ngai tawh a ni a ti. MZP President chuan, hnam dangin Mizo te chanvo an chuhpui mek tih sawiin hun lo kal zelah dan theih loh chin a la awm thei a, zirna kawngah nasa zawka \an lak a \ul a ni a ti bawk.
Hnamdang nei lo tura inzirtirna ni hi MZP Treasurer Pu Michael Lalramsanga’n a kaihruai a, Zirlai kalkhawm te tan an hmalam hun atana kawng kawhhmuhna hun hman nghal a ni a, hetah hian Pu Clement Liankunga IAS Rtd, Lt. Col. Clement LH Thanga
, SBI Chief Manager Pu L.P.Lalchangkima, leh RIPANS Tutor Pi Laldinpuii Sailo ten thu an sawi a, tun hnaia Sorkar in zirtirtu \ha a thlante an chawimawi bawk.