Mizoram a Congress leh MNF in a hun laia ramri an sawifel loh avangin harsatna a thleng niin BJP Mizoram State President Prof. JV Hluna’n sawi

0
465
views

Mizoram a Congress leh MNF in a hun laia ramri an sawifel loh avangin harsatna a thleng niin BJP Mizoram State President Prof. JV Hluna’n vawiin khan a pisaah Press mite a hrilh. Prof JV Hluna chuan, MNF leh India in inremna an ziah dawnin UT ramri chin chu ramri atan an pawm niin a sawi a, State a Mizoram hlankai a nih dawnin sorkar laipui pawh a inhawng hle a, \henawm State Zo hnathlak te awmna chin chu Mizoramah rinluh pawh an hnial lo niin a sawi a, sawifel mai theih a nih laia MNF leh Congress in an sawifel loh avangin ramri chungchangah harsatna Mizoramin a tawh phah niin a sawi. Prof JV Hluna chuan, tuna Bairabi Zophai a harsatna thleng chu pumpelh theih nia sawiin Sorkar a chet muan vang leh a tih tur a tih loh avangin harsatna a thleng a ni a ti a, Mizo Zirlai leh Press mite kuthlaka silai-a kah an ni tih a hriat veleh Assam CM a hmuh nghal thu sawiin Assam Police kuttuar zirlai leh Journalist te chu zangnadawmna pe ngei tur leh silai kap tute zawng chhuaka hremna pe turin a phut nghal tih a sawi.